Ein augneblink i livet mitt

Her skal du motstand finne

Av Ann Kristin Pracheeta

Eg har kjent noko enormt på motstand mot alle ting som kunne hjelpa meg til å vera i nuet. Inni meg kom eg i kontakt ein energi som kjennes todelt. På ei side er den kraftfull og kreativ, på den andre sida er det mykje rastlausheit.

Ein del av meg gjer alt for å dra meg vekk i frå å gjere bodyscan, mindful-tannpussen, mindfull-måtidet. Men det som var fint var å berre tillate og observera denne motstanden, rastlausheita som den var.

“Greit eg ser deg at du er der, og nett no klarer eg ikkje å gjere noko med det”.

Eg kjente på tankar om at eg burde ha gjort meir. Men noko sa meg berre la det vere som det er. Ikkje prøv å gjera deg til noko anna eller noko meir enn akkurat det du er.

Når eg kjente på denne rastlausheita i dag, så var det noko som sa “Gå og ta deg eit bad!”.

Så det gjorde eg. Eg tappa i, og med karet halvfullt la eg meg oppi. Og med ei gong skjedde det noko. Eg kunne kjenna at vatnet kom høgare og høgare mot øyrene og ansiktet, eg låg fullt og heilt til stede – i ein augneblink som varte i eit kvarter.

“Samtale i badekaret”

Eg låg i badekaret

medan det

varme vatnet

fossa

utav tappekrana,

og til slutt

nådde vatnet

over øyro

mine.

Då brått

høyrte eg

at vatnet snakka

til meg.

Eg kunne ikkje

språket,

men eg

forstod.

Likevel

kan eg

ikkje gjenta

eit einaste ord.